Euskadik Europako Funtsetan genero-ikuspegia txertatzeko dituen jardunbide egokiak hautatu da Emaktiva.
2023 ko urriaren 9an eta 10ean, Berdintasun Politiken Estatuko Sarearen 17. osoko bilkura egin zen Gasteizen. 17. osoko bilkuran, eta Emakunde erakunde anfitrioia izanik, Emaktivan emakumeen eta gizonen arteko berdintasuna sustatzeko garatutako ekintzak aurkezteko aukera izan genuen.
Emakundeko zuzendari Miren Elgarrestak eta Eusko Jaurlaritzako Europako Gaietarako zuzendari Juan Alberdik osoko bilkuran parte hartu dute, Ogasun Ministerioko Europako Funtsen Programazio eta Ebaluazioko zuzendariorde nagusi Cristina Rehbergerrekin; Europako Gizarte Funtseko Administrazio Unitateko Programazio eta Ebaluazioko zuzendariorde laguntzaile Mónica Garcésekin; eta Emakumeen Institutuko zuzendari Ana Varelarekin batera.
Eskerrak eman nahi dizkiegu jardunaldi honetan parte hartu duten pertsona eta eragile guztiei, jaso dugun harrera onagatik eta Emaktivak berdintasunaren arloan dituen ontasunak erakusteko aukera emateagatik.
EDE Fundazioaren Emaktiva proiektuak Espainiako Gobernuaren Euskal Autonomia Erkidegoko Ordezkaritzak 2021an emandako euskal kolektibo sozialaren Menina Saria jaso du.
2021eko azaroaren 24an, Espainiako Gobernuaren Euskal Autonomia Erkidegoko Ordezkaritzak emandako Menina Sariak banatu dira. Emakumearen aurkako edozein indarkeria mota desagerrarazteko borrokan aritu diren Euskadiko pertsona eta erakundeei zuzendutako aintzatepespenak dira.
Bosgarren edizio honetan, hauek izan dira sarituak: Marta Dolado Galíndez abokatuak euskal herritarrarraren saria jaso du, genero-indarkeriaren aurkako borrokan lan nabarmena egiteagatik. Genero-indarkeriaren aurrean eta sexu-erasoen aurrean jarduteko Osakidetzaren gidak ere saria jaso du; euskal proiektu edo ekimen publikoaren aintzatespena merezi izan du, sentsibilizazio eta kontzientziazio kolektiboa zabaltzeko duen gaitasunagatik. Azkenik, euskal kolektibo sozialaren Menina Saria EDE Fundazioaren Emaktiva proiektuak jaso du, esparru horretan hartutako konpromisoagatik.
Emaktiva Indarkeria matxistaren biktima diren emakumeen arreta eta gizarte-inklusiorako Jardunbide Egokiak 2021. Gipuzkoako Foru Aldundia.
2021ko urriaren 29an egin zen Donostian Gizarteratzearen aldeko Jardunbide Egokien III. Jardunaldia, Gipuzkoako Foru Aldundiko Indarkeria Matxistaren Biktima diren Emakumeei Arreta eta Gizarteratze Zerbitzuak antolatuta, Euskaliten kudeaketa aurreratuaren Europako 27. astearen esparruan, eta arreta politika sozialetan eta arreta-ereduetan jarriz.
Jardunaldi horretan, Begoña Gavilan EDE Fundazioko Enplegu Inklusiboko eta Emaktivako koordinatzaileak EMAKTIVA programa aurkeztu zuen, lana lortzeko zailtasunak dituzten emakumeekin lan egiteko esperientzia berritzaile aipagarrien artean.
Emaktiva finalista izan zen 2019ko Berrikuntzaren eta Gizarteratzearen arloko Jardunbide Egokien Europako Deialdian, zeina European Network of Innovation for Inclusion-Gizarteratzeko Berrikuntzaren Europako Sareak antolatu zuen.
European Network of Innovation for Inclusion-Gizarteratzeko Berrikuntzaren Europako Sarea ekosistema berritzaile eta integratzaileagoa eraikitzea helburu duen sarea da, hainbat erakunderi enplegagarritasun- eta ekimen-programak arrakastaz garatzen lagunduz, praktika onak trukatuz eta Europako programetan parte hartuz. Europako herrialde bateko kide edo bazkide gisa parte har daiteke sarean.
Sareak urtero egiten du Europan kolektibo behartsuen berrikuntza eta gizarteratze eta laneratzeari buruzko jardunbide egokien urteko deialdia. EMAKTIVA 2019an aurkeztu ginen, eta hiru finalisten artean geratu ginen.
Hauek dira beste bi erakunde finalistak:
Proyecto: Transformika Coaching Cards Lehenengo finalista eta irabazlea.
Entitatea: Van Dale Europe EOOD (Bulgaria)
Entitatea: Fundación Aprocor (Madrid)
Ezbairik gabe, aitortza hori Emaktivako talde teknikoaren jakintza onaren eta erakunde publikoen apustuaren emaitza da, EGFren Programa Operatiboa (2014/2020), Bizkaiko Foru Aldundiko Enplegu, Gizarteratze eta Berdintasun Saila eta Lanbide, bai eta enpresa eta enpresa-elkarte askoren konpromiso gero eta handiagoaren ondorio ere.