Emaktivan Europako Gizarte Funtsaren laguntza dugu.
Emandako finantzazioa Euskal Autonomia Erkidegoko Europako Gizarte Funtsaren Programa Operatiboaren Estrategiaren barruan dago, eta estrategia horren barruan, 9. Helburu tematikoan:
Gizarteratzea sustatzeak eta pobreziaren eta diskriminazioaren aurka borrokatzeak pobrezia-arriskua murriztea du helburu, eta, horretarako, gizarteratze aktiboa, aukera-berdintasuna eta diskriminaziorik eza sustatu behar dira, bereziki, zaurgarrienak diren kolektibo edo pertsonetan: guraso bakarreko familiak, ezgaitasuna duten pertsonak, etorkinak, gazteak eta/edo diru-sarrerak bermatzeko errenta jasotzen duten pertsonak.
Eusko Jaurlaritza
Lanbide-Euskal Enplegu Zerbitzua, Eusko Jaurlaritzako Lan eta Enpleguko Sailari atxikia, gizarteratzeko eta laneratzeko edo enplegagarritasuna hobetzeko jarduera integralak garatzen ditu, beste erakunde publiko edo pribatuekin hainbat esku-hartze bateratu edo koordinatzeko.
Urtero, Lanbide-Euskal Enplegu Zerbitzuak emandako laguntza ekonomikoa du Emaktivak, laneratzeko edo enpleguari eusteko zailtasunak dituzten langile okupatu eta langabeentzako Gizarteratzeko eta laneratzeko proiektu bereziak garatzeko laguntzen urteko deialdian.
Bizkaiko Foru Aldundia
Bizkaiko Foru Aldundiak Emaktivaren alde egindako apustua argia izan da programaren hasieratik. Emaktiva Bizkaian jaio zen. Sortu zenetik, Bizkaiko Foru Aldundiaren laguntza dugu. Aliantza horri esker, lortutako eta lortu gabeko emaitzak bermatzen dira.
Zehazkiago, Bizkaiko Foru Aldundiko Enplegu, Gizarte Inklusio eta Berdintasun Sailak diru-laguntzen lerro bat du berrikuntza soziolaboraleko proiektuak garatzeko. Horren helburua da pertsonak, gizarte-zaurgarritasunean, lan-merkatutik urrunago daudenak, laneratzeko laguntza bereziak behar dituztenak, gizarteratze-zerbitzuen erabiltzaileak, eta gizarteratze-prozesuetarako laguntza behar duten pertsonak eta emakumeak eta familiak lanean txertatzeko jarduerak indartzea.
Gipuzkoako Foru Aldundia
2020an Gipuzkoan bizi diren emakumeei laguntzeko gure esku-hartze eremua zabaldu genuen.
Gipuzkoako Foru Aldundiak «ELKAR-EKIN Lanean» izeneko enplegua eta gizarteratzea eta laneratzea sustatzeko laguntza-programaren bidez laguntzen digu. Programa hori Gipuzkoako Foru Aldundiak abian jarritako neurrien barruan kokatzen da, lurraldean lana lortzeko eta gizarteratzeko estrategia garatzeko.
