EDE Fundazioak, Gipuzkoan, enplegu babestuko enpresekin (Grupo Osga, Katea Legaia eta Grupo Integra) 2026an egindako lankidetza-hitzarmenak berritzeak konpromiso partekatua indartzen du desgaitasuna duten pertsonen laneratzearekin. Akordio horiek lan-sare bat finkatzen dute, lan-aukera bat bilatzen dutenen eta aukera-berdintasunaren aldeko apustua egiten duten enpresen arteko lotura errazten duena.

Lankidetza horiei esker, lan-orientazioko zerbitzuek laguntza hurbilagoa eta eraginkorragoa eskain dezakete, pertsona bakoitzaren profilarekin bat datozen enplegu-aukerak identifikatu ditugu eta enpresen eta hautagaien beharretara hobeto egokitzen diren hautaketa-prozesuak erraztu ditugu.
Enplegurako sarbidea errazteaz gain, hitzarmen horiek informazio-trukea, baterako ekintzak egitea eta erakundeen eta enpresen arteko elkar ezagutza sustatzen dute. Horrek guztiak EDE Fundazioak sustatutako programetan eta proiektuetan parte hartzen duten pertsonen enplegagarritasuna hobetzen laguntzen du.

Hitzarmen berritu bakoitza aukera berri bat da lan-merkatu inklusiboago baterantz aurrera egiten jarraitzeko, non pertsona bakoitzaren talentua eta gaitasunak izango diren enplegua lortzeko benetako irizpidea.
Esparru horretan, aste honetan EDE Fundazioaren eta Sifu Taldearen arteko lankidetza-hitzarmena sinatu da. Hitzarmen horri esker, desgaitasuna duten eta egoera ahulean dauden pertsonak laneratzeko aukerak indartzen jarraituko da.

Europar Batasunak kofinantzatuta.