Abenduaren 18an, hiruhilekoa amaitzeko, Gasteizko Emakumeen Etxea bisitatu genuen, Emaktivako emakumeekin batera, ahalduntze feminista indibiduala eta kolektiboa bultzatzeko gunea.
Gasteizko Emakumeen Etxea abian jarri zen inplikatutako hainbat elkarte eta emakumeren lankidetzari esker, partaidetza-prozesu baten bidez adostutako hasierako proposamenetik abiatuta. Hala, Sorginenea-Tu Casa Feministak 2019an ireki zituen ateak, Gasteizko mugimendu feministaren aldarrikapen historiko bati erantzuteko, espazio propio bat izateko premiaren aurrean. Etxeak ateak ireki zituenetik, Sorginenea elkarteak, berariaz horretarako sortua, Udalarekin batera kudeatu zuen proiektua, lankidetza-hitzarmen baten bidez.
Hala ere, 2021etik aurrera, Sorgineneak uko egin dio proiektuaren kudeaketari, hausnarketa prozesu berri bati ekiteko. Horregatik, Gasteizko Udalak, Berdintasun Zerbitzuaren bitartez, Emakumeen Etxearen kudeaketa bere gain hartu zuen ordutik.
Eskerrak ematen dizkiogu Emakumeen Etxeari bisita gidatu hau egiteko aukeragatik, zuen lan baliotsuagatik. Aliantzak eraikitzen jarraitzen dugu, sareak sortzen eta sendotzen.
Europar Batasunak kofinantzatua