Joan den azaroaren 10ean, Bidasoa Bizirik elkarteak antolatutako XXVI. Enplegu Astean parte hartzeko aukera izan du EMAKTIVA IRUNEN ekimenak
Joan den urritik, EMAKTIVA IRUNEN jarduera ari da garatzen. EDE Fundazioaren Emaktiva Programaren eta Irungo Udaleko Gizarte Ongizateko Sailaren arteko lankidetzatik sortutako ekitaldia da eta udalerriko emakumeei laguntzeko egin da.
Joan den azaroaren 10ean, Bidasoa Bizirik elkarteak antolatutako XXVI. Enplegu Astean parte hartzeko aukera izan du EMAKTIVA IRUNEN ekimenak. Bidasoa Bizirik sozietate publikoa da eta bere xedea da Bidasoa-Txingudi eskualdean (Gipuzkoa) tokiko ekonomia eta enplegua sustatzea eta bultzatzea.
Jardueraren helburua, bestalde, hauxe da: eskualdeko enpresei beren giza baliabideen beharretara egokitutako profilak eskaintzea eta lan bila dabiltzan pertsonei enpresekin harreman zuzena erraztea eta lanpostu bat izateko aukera izatea.
Koordinazio bat ezarri da EMAKTIVA IRUNEN parte hartzen duten emakumeek Bidasoa Bizirik elkarteak antolatutako Enplegu Astearen plataformako lan-eskaintzak jasotzeko aukera izan dezaten. Horrekin batera, emakumeen parte-hartzea kudeatu da aste horretan egon daitezen, aurretik hitzordua eskatuta.
EMAKTIVA IRUNEN ekimeneko sei emakumek, Emaktivako langileen laguntzaz, elkarrizketak izateko aukera izan dute beren curriculuma eta kandidatura aurkezteko pertsonal-beharrak dituzten hainbat enpresatan.
Parte hartu duten emakumeen balorazioa eta talde teknikoaren balorazioa, Enpleguaren Astearen antolaketari, parte hartu duten enpresetarako sarbideari, lan-eskaintzei eta abarri dagokienez, oso positiboak izan dira, eta sortutako aukerak EMAKTIVA IRUNEN taldeko emakumeren bat kontratatzean gauzatu direla baieztatu dezakegu.