Erakunde soziosanitarioetan mendeko pertsonak artatzeko prestakuntza jaso nahi duten 16 emakume langaberi zuzendutako ibilbide honetan, parte-hartzaileek, lanbide-kualifikazioa lortzeaz gain, gai hauek landuko dituzte: ahalduntze pertsonala lantzea modu praktikoan; enplegua aktiboki bilatzeko eta lan-aukerak izateko tresnak garatzea.
PRESTAKUNTZA:
- Profesionaltasun-ziurtagiria MENDEKO PERTSONENTZAKO ARRETA SOZIOSANITARIOA GIZARTE-INSTITUZIOETAN: Mendekotasuna duten pertsonei arreta fisikoa, soziosanitarioa eta psikosoziala emateko esku-hartzeak prestatzea eta garatzea erakundeetan.
- ENPLEGURAKO GAITASUN PERTSONALAK: Lan-merkatuan sartzea baldintzatzen eta zailtzen duten elementuak ezagutzea eta gehien eskatzen diren gaitasunak
- GAITASUN DIGITALAK: Teknologia digitalei lotutako aukerak baliatzeko oinarrizko gaitasunak eskuratzea, informazioa eskuratzeko, enplegua aktiboki bilatzeko eta autonomia eta parte-hartze aktiboa bultzatzeko.
- ELIKAGAIEN MANIPULAZIOA: Elikagaien segurtasunari eta higieneari buruzko araudia ezagutzea eta aplikatzea elikagaien prozesu guztietan (prestatzea, biltegiratzea, banatzea, ematea…)
- PRAKTIKAK ENPRESAN: Lanekoak ez diren praktika profesionalak sektoreko erakundeetan.
LAGUNTZA SOZIOLABORAL PERTSONALIZATUA:
- AHALDUNTZE PERTSONALA: Geure burua identifikatzeko, sinesmenak aztertzeko eta funtsik gabeko judizioak identifikatzeko moduari buruz hausnartzea (genero-rolak, estereotipoak…); norbere zaintza sustatzea; gaitasunak identifikatzea, egungo lanbide-profilera egokitutako enplegu-helburuak zehazte aldera…
- ENPLEGUA AKTIBOKI BILATZEKO TRESNAK GARATZEA: Enplegua bilatzeko tresnak egitea eta erabiltzea (CVa, hautagaitzak bidaltzea…); hautaketa-prozesuei aurre egitea (elkarrizketa egin aurretik, bitartean eta ondoren…); lan-kultura…
- AUKERAK: Prospekzioa eta lan-merkatua; enpresek egindako boluntariotza korporatiboko jarduerak…